Është mbajtur moduli i tretë i Shkollës për Aktivizëm

Është mbajtur moduli i tretë në kuadër të Shkollës për Aktivizëm, me përfaqësues/e të rreth 20 organizatave të shoqërisë civile.

Gjatë tri ditëve të modulit “Sistemet dhe Proceset për Vlerësimin e Ndikimit dhe Ngritjen e Fondeve”, organizatat patën mundësi të marrin më shumë informacione rreth monitorimit dhe vlerësimit të aktiviteteve dhe rezultateve zhvillimore të organizatave.

Një pjesë esenciale e modulit i është kushtuar edhe identifikimit të konteksteve dhe qëllimeve të ndryshme të monitorimit dhe vlerësimit (M&V), të mësuarit e procesit sistematik për zhvillimin e sistemeve të M&V në nivel projekti dhe programi, si dhe shfrytëzimit të të dhënave nga M&V për qëllimet e ngritjes së fondeve.